Legazpi ko Hegialde auzoak prestaketa lanak amaitu ditu Xabier Ortiz de Luzuriaga ren omenezko 21. mendi bizikleta martxa hartzeko. Hogeita batgarren edizio honetan, 212 parte-hartzailek hartuko dute parte, eta eguna festa giroan ospatuko da auzoan.

Txirrindulariek goizeko 08:00etatik aurrera jaso ahal izango dituzte dortsalak Laubideko kale nagusia n. Ondoren, 09:15ean hasiko dute 36 kilometroko ibilbidea, 1.300 metroko desnibelarekin. Lehenengoak 11:30ean iritsiko dira helmugara, eta azkenak 14:00ak igaro ondoren. Parte hartzaile guztientzako pintxoak, edariak eta paella egongo dira, baita martxan ez direnentzako ere, txartela erosita.

Ekitaldiaren amaieran kamiseten banaketa eta oparien zozketa egingo dira. Gainera, Xabier Ortiz de Luzuriaga zenaren kuadrillakoek zuzenean joko dituzte hainbat abesti 13:00ak inguruan, giroa alaitzeko.

Mendi bizikleta martxa hau hurrengo asteburuko Hegialdeko jaiak baino lehenagoko ekitaldia da, eta arratsaldean ere ekitaldi gehiago antolatu dira auzoko tabernen inguruan.

Arratsaldeko 16:00etan, mus txapelketa hasiko da Insausti taberna n. Jarraian, 17:00etatik 22:00etara, Prehegis disko festa izango da Laubide jatetxea n, Woolen musika jartzailearekin.