Galilea tabernak, garai batean patar eta karta jokoen gunea zena, kirolaren eta rockaren tenplu bihurtu da Legazpi n. Bertan, kirolari herrikoien argazkiak eta kluben banderak apaintzen dute hormak, eta rock kontzertuak ere antolatzen dira. Kirol guztiei egin zaie tokia, baina boxeoak txoko berezia du, izan ere, Galilea Eraztunbox herriko klubaren egoitza ofiziala da.
Klubak larunbatean, ekainaren 8an, Beloki pilotalekuan ospatuko den boxeo jaialdia aurkeztu du bertan. Ekitaldia 20:00etan hasiko da, eta aurretik, 18:00etan, boxeolarien pisaketa egingo da tabernan bertan. Guztira, bederatzi borrokaldi izango dira ikusgai.
“"Boxeoak ez du ospe ona, baina balioak ditu. Gazte asko integratzen laguntzen du. Aitor Abel oso lan ona egiten ari da. Gazteei kirola egiteko aukera ematen ari zaie eta kalean entrenatzen ikusten ditugu."
Jaialdian parte hartuko duten artean, Erlantz Tejada boxeolari profesional bizkaitarra nabarmentzen da. Horrez gain, Ekaitz Jaunarena eta Gabriel Moreno zumarragarrek, eta Xuban de Lera ordiziarrak ere lehiatuko dira. Sarrerak Galilea, Aitube Berri eta Urzubi tabernetan daude salgai. Kanpotik datozenentzat, autoak aparkatzeko aukera egongo da La Salle-Legazpi ikastetxeko patioan.
Aurkezpen ekitaldian, Mikel Serrano alkateak, Aitor Abel Eraztunbox eko arduradunak, eta Roberto Corona eta Jose Luis Zelaia Euskobox eko ordezkariek parte hartu zuten. Serranok nabarmendu zuen boxeoak gazteak gizarteratzeko duen garrantzia eta Abel en lana goraipatu zuen, baita Euskobox en laguntza ere, jaialdia posible egiteagatik.
