Urretxuko Udala k, Aniztasun eta Bizikidetza departamentuaren bitartez, 'Ongi Etorri' zerbitzua jarri du martxan. Zerbitzu honek, lurraldera berriki iritsi diren pertsonei eta familiei harrera, informazioa eta beharrezko orientazioa eskainiko die hasierako urratsak emateko. Zerbitzua goizez eta arratsaldez eskainiko da, baina udan, momentuz, goizez bakarrik.
Interesdunek aurretiko hitzordua eskatu beharko dute zerbitzua jasotzeko. Udalak azaldu duenez, 'Ongi etorri' zerbitzua Urretxuko II. Aniztasun eta Bizikidetza Planaren barruan kokatzen da, eta 'Urretxun Bizi Gara' harrera-eskolaren osagarri izango da. Honek aurrerapauso bat suposatzen du 'Urretxuko Harrera Protokoloa 2014'-ren berrikuntzan, urte luzez landu ondoren eguneratu eta martxan jarriko baita. Horretarako, aniztasunaren arloan lan egiten duten eragileen ekarpenekin material berriak sortuko dira.
Bestalde, gogorarazi dute 'Urretxun Bizi Gara' harrera-eskolan matrikulatzeko epea zabalik dagoela uztailaren 30era arte. Udal ekimen hau Euskaditik kanpo jaiotako egoiliarrei zuzenduta dago, baita Urretxuri eta Urola Garaia eskualdeari buruzko ezagutza handiagoa izan nahi duten guztiei ere.
'Urretxun Bizi Gara' ren hamabigarren edizio honetako saioak ostiraletan izango dira, 9:30etik 12:00etara, Aizpurunea kultur etxean. Irailaren 25etik azaroaren 27ra bitartean, ikasleek doako eskolak jasoko dituzte hitzaldi, irteera, bisita eta tailerren bidez.
'Urretxun Bizi Gara' eskolan parte hartzeko, izena eman behar da. Hitzordua eskatzeko zein izena emateko, Urretxuko Aniztasun eta Bizikidetza Departamentua rekin harremanetan jarri behar da (telefonoa: 693 900 568 eta helbide elektronikoa: aniztasuna@urretxu.eus).
