Leioak bere 500. urteurrena ospatu zuen irailaren 19an, milaka pertsonek parte hartu zutelarik hainbat ekitalditan, memoria, emozioa eta musika uztartuz.
Goizean, 1.000 pertsona baino gehiagok parte hartu zuten duela 25 urte lurperatutako tuperrak berreskuratzeko "Leioak altxor bat du" ekimenean. Ekimen honetan, ehunka leioaztarrrek argazkiak, mezuak eta oroitzapenak berreskuratu zituzten Pinosolo parkean, non Udalak 2001ean gordetako "altxorra" ireki zen, garai hartako alkate Karmelo Sainz de la Maza eta egungo alkate Iban Rodriguez Etxebarria protagonista izanik.
Ekimenak jarraipena izango du datozen asteetan, 2015 eta 2020 artean jaiotako haurrek tupper berriak jasoko dituzte etorkizunerako oroitzapenak gordetzeko, urriaren 31n lurperatuko direnak.
Arratsalde-gauean, 10.000 pertsona inguru bildu ziren Lamiako ko metro geltokiaren ondoan, 500. urteurreneko kontzertuez gozatzeko. Bertan, Still Rising leioaztarrak, Janus Lester euskaldunak eta La M.O.D.A. taldeak jo zuten.
Iban Rodriguez Etxebarria Leioako alkateak nabarmendu zuen, "zenbakiak baino garrantzitsuagoa" zela egun osoan bizi izandako giroa: "jornada festiboa, familiarra, belaunaldien arteko topaketa eta, batez ere, jendeak Leioa z eta Leioa izateaz gozatu zuen". Alkateak eskerrak eman zizkien parte-hartzaileei eta antolatzaileei, "Leioa herri bizia, parte-hartzailea eta komunitatea eraikitzeko gogoz betea dagoela berriro erakutsi zuen".
