MerkaLan urtero Lanbide-Euskal Enplegu Zerbitzuak antolatzen duen Enplegu eta Prestakuntza Azoka da. Enpresa, erakunde, entitate eta herritarren arteko topagunea da, kalitatezko enplegua eta prestakuntza espezializatua sustatzeko helburuarekin.
Azokak bi modalitate ditu: birtuala (azaroaren 17tik 19ra) eta presentziala (azaroaren 18an). Bi modalitateetan, enpresek, prestakuntza zentroek eta erakundeek ehunka lan eta prestakuntza eskaintza zabalduko dituzte profil askotariko pertsonentzat.
Modalitate presentziala Bilbao Exhibition Centreko (BEC) Kongresu Zentroan izango da, eta 110 stand baino gehiago, hitzaldiak, tailerrak eta beste hainbat jarduera izango ditu.
Aurtengo zazpigarren edizioan, MerkaLan eta Enpleguaren IX. Kongresua, Ekonomia, Lan eta Enplegu Sailak antolatua, enpleguaren eta adimen artifizialaren (IA) inguruan elkartuko dira.
