Dbus-ek 2026ko lehen seihilekoan inoizko datu historikoak erregistratu ditu, 16.626.862 bidaia baino gehiago zenbatuz. Datu horiek iazko epe berean baino 292.103 bidaia gehiago dira, eta %1,79ko igoera suposatzen du 2025eko datuekin alderatuta, eta %7,76koa 2024koekin alderatuta.
Urteko lehen sei hilabeteetan gehien erabili diren lineak honakoak izan dira: 13-Altza, %2,47ko hazkundea izan duena; 28-Amara-Ospitaleak; 5-Benta Berri; 17-Gros-Amara-Miramon; eta 26-Amara-Martutene. Linea horiek guztiek erregistratutako bidaiak, orain arteko guztien erdia baino gehiago dira.
Lanegunetako eguneko batez besteko bidaiarien kopurua ere handitu egin da: 2025ean 106.630koa zen eta 2026an 106.799ra igo da, %2,61eko hazkundea. Maiatzean erregistratu zen lehen seihileko batean lanegunetako eguneko batez besteko altuena, 109.510 bidaierekin.
Jendetza handiena izan zuen eguna urtarrilaren 19a izan zen, San Sebastian egunaren bezpera, 124.900 bidaierekin. Ondoren, otsailaren 13a (116.848 bidaia) eta martxoaren 13a (116.598 bidaia) izan ziren jendetsuenak, azken hau Anoetako futbol partida baten ondorioz.
Gainera, 2026ko maiatza eta ekaina Dbusen historian bidai kopuru handiena izan duten hilabeteetako batzuk dira, ekainean 2.899.153 eta maiatzean 2.890.039 bidaia erregistratu zirelarik.
Azken 12 hilabeteetako bidai kopurua, 2026ko ekainaren 30ean zenbatutakoa, 34.027.482koa izan da. Dbusen historian lehen aldia da 12 hilabetean 34 milioi bidaia baino gehiago egin direla.
