Ibilbide luzea aukeratzen dutenek goizaldeko 06:00etan ekingo diote Plaza Berritik, eta ibilbide laburra aukeratzen dutenek, berriz, 08:00etan hasiko dira toki berean.
Antolatzaileek, Soraluzeko Mendi Taldeak, anoa puntuak jarriko dituzte ibilbide guztian zehar, boluntarioen laguntzarekin parte hartzaileei jan-edana eskaintzeko. Ia urtez gain, mendizaleen kopurua handitu egin zen, eta aurten ere ibilbide osoa egitera animatu dute jendea.
Berrikuntza gisa, aurten online izena emateko plaza gehiago eskainiko dituzte (200), eta probaren egunean bertan ere inskribatu ahal izango da. Hala ere, aurrez online izena ematen dutenek bakarrik izango dute bermatuta bazkaria eta neurriko kamiseta.
Izen-ematea irailaren 23ra arte egongo da zabalik, edo 200 plazak agortu arte, Kirolprobak.com atarian. Mendi taldeko bazkideek 15 euro ordaindu beharko dituzte, bazkide ez direnek 20 euro, eta egunean bertan izena ematen dutenek 30 euro.
