Bekara aurkezteko eskaerak eta gainerako agiriak aurkezteko epea urriaren 31ra arte egongo da zabalik. Bekaren helburua da Koldo Mitxelena filologo errenteriarra omendu eta Errenteriako historia ikertzea.
2026ko deialdiko gaia ‘Errenteriako migrazio prozesuen ikerketa XX eta XXI mendeetan zehar’ izango da, giza- eta gizarte-zientzien alorrean.
Pertsona edo talde irabazleak 15.000 euroko beka jasoko du eta 18 hilabete izango ditu ikerketa egiteko. Beka banaka edo taldeka eskatu daiteke, eta proiektuak jatorrizkoak, argitaratu gabeak eta euskaraz egin beharko dira.
Halaber, bekak euskaraz eta emakumeek eta/edo trans pertsonek egindako ikerketa bultzatuko ditu ekintza positiboen bidez.
Deialdiari buruzko informazio gehigarria, oinarriak eta eskaera-orria Errenteriako Udalaren webgunean ([www.errenteria.eus](http://www.errenteria.eus/)), eskaera elektronikoen estekan, ZU! Arreta-zerbitzuan, 010 telefonoan (Errenteriatik deituz gero) edo 943 4496 00 telefonoan (kanpotik deituz gero) eskura daitezke. Udal artxiboan ere lor daiteke informazioa, [artxiboa@errenteria.eus](mailto:artxiboa@errenteria.eus) helbidera idatzita.
