Aurten urteurren berezia beteko du ekimenak, eta kirolzale zein mendizaleek hitzordu garrantzitsua izango dute Busturialdeko txoko honetan. Irailaren 6an, igandez, mendi jardunaldi zabala jasoko du Mendata-k.
Urteetako ibilbideari eutsiz, hiru proba nagusi antolatu dira egun berean: XXV. Ibilaldi Neurtua, XX. Mendi Maratoia eta I. Mendi Lasterketa. Adin eta maila guztietako pertsonei zuzendutako ekimena da, natura eta kirola uztartzeko helburuarekin.
Parte-hartzaileek luzera eta gogortasun ezberdineko ibilbideen artean aukeratu ahal izango dute irteera ordutegien arabera. 37 km-ko ibilbide luzea eta Maratoia goizeko 8:00etan eta 9:00etan hasiko dira, hurrenez hurren. 21 km-ko ibilbide ertaina 8:00etan aterako da, eta 11 km-ko ibilbide laburra 9:30ean. Mendi Lasterketa, berriz, 13 km-koa, 10:30ean hasiko da.
Inskripzioak egunean bertan egiteko aukera ere izango da, 25 euro ren truke.
