Donostia International Physics Centerrek (DIPC) bere udako praktiken programa amaitu du, 2026an inoizko eskaera kopuru handiena jasoz. Gradu eta masterreko ikasleei zuzendutako ekimen honek 334 eskaera bildu ditu eskaintzen diren 25 plaza baino gutxiagorekin. Jasotako eskaeren heren bat baino gehiago nazioarteko unibertsitateetatik etorri da.
2016an sortua, DIPCren praktiken programa urtero hazten ari da, eta dagoeneko 1.690 hautagaitza eta 155 ikasle izan ditu zentroan ikerketa egonaldia egiteko aukera baliatu dutenak.
Programa honek ikerketa mundua eta mugako zentro zientifiko baten lan-ingurunea gertutik ezagutzeko aukera paregabea eskaintzen die ikasleei. Egonaldiek ordainduta daude eta udan zein ikasturtean zehar egin daitezke. Urtero, nanoxientzia, fisika, kimika eta konputazio zientzien arloetan proiektuak proposatzen dira, DIPCko eta Superkonputazio Zentroko ikertzaileen zuzendaritzapean.
Aurtengo edizioak, gainera, nazioarteko izaera nabarmena izan du. Jasotako 334 eskaeretatik, 229 (%69) Espainiako unibertsitateetatik heldu dira, 75 (%22) Europar Batasuneko beste herrialde batzuetako unibertsitateetatik eta 30 (%9) EBtik kanpoko unibertsitateetatik.
Plaza kopurua egonkor mantentzen den arren (urtean 25 ikasle inguru), eskaeren gorakada argiak erakusten du DIPCk eskaintzen dituen prestakuntza eta ikerketa hasteko aukeren aurrean dagoen interes gero eta handiagoa.
