Arte Eszenikoen eta Musikaren Institutu Nazionalak (INAEM) antolatzen dituen Arte Eszenikoen eta Musikaren Inklusio Jardunaldien 17. edizioa amaitu berri da Tenerifeko Auditorioan. Ekitaldi horretan iragarri zen Vitoria-Gasteiz izango zela hurrengo edizioaren egoitza.
“"Jardunaldi hauek hartzea aukera bikaina da, hirian eragingo duen inpaktu handiagatik, begirada eraldatzaile, berritzaile eta irekia emanez. Denbora eta espazio jakin batean egindako ekimena da eta, bertan, esperientziak partekatzen dira, jardunbideak ikusarazten dira, profesionalen arteko topaketak sortzen dira eta arte eszenikoen eta musikaren sektore osoa inklusioaren inguruan sentsibilizatzen laguntzen da."
Kultura eta Hezkuntza Sailak ilusioz hartu du erronka hau, hiriak jasoko duen inpaktu handia azpimarratuz, ikuspegi eraldatzaile eta berritzaile bat eskainiz. Ekimen honek esperientziak partekatzeko, jardunbide egokiak ikusarazteko eta profesionalen arteko topaketak sustatzeko balio du, arte eszenikoen eta musikaren sektore osoa inklusioaren inguruan sentsibilizatuz.
Azken urteotan, testuingurua nabarmen aldatu da, eta hausnarketarako eta esperientziak partekatzeko espazioak ugaritu egin dira. Jardunbide inklusiboak eta komunitarioak gero eta gehiago txertatzen dira kultura-politiketan eta programazioetan. Egoera horretan, Gasteizek hurrengo edizioa hartuko du gai honi buruzko eztabaidarekin jarraitzeko.
INAEMen Arte Eszenikoen eta Musikaren Inklusio Jardunaldiak, 2009an Madrilen hasi zirenak, aniztasuna eta irisgarritasun kulturala sustatzeko urteko erreferente bihurtu dira. Espainiako hainbat hiritan egin dira, hala nola Tarragonan (2024), Cádizen (2023) eta Valentzian (2022).
