Orioko Udala k urte hasieran iragarritako proiektua aurrera doa: herrian komunitate energetiko bat martxan jartzeko urratsak egiten ari dira, Goiener rekin elkarlanean eta Gipuzkoako Foru Aldundi aren dirulaguntzarekin. Apirilean itxi zen izena emateko epea, eta 200 herritar baino gehiagok aurkeztu zuten eskaera.
Azken hilabeteotan, Goienerrek izena eman duten herritarren elektrizitate-kontsumoak aztertu ditu banan-banan. Azterketa horren bidez, eskatzaile bakoitzari dagokion energia-paketea, ordaindu beharreko harpidetza-kuota eta urteko aurrezpenaren estimazioa kalkulatu ditu.
Herritar bakoitzak azterketa pertsonalizatua jaso eta baloratu ondoren, orain da komunitate energetikoko partaide izan nahi duen erabakitzeko unea. Azaroaren 6ra arte izango dute behin betiko izena emateko aukera.
Lehen izen-ematea egin ez zutenek ere aukera dute data horretara arte eskaera egiteko. Eskaera berriak itxaron-zerrendan jasoko dira eta urtero aztertuko dira, baina baliteke hasieratik onartzea, izena ematen duten kopuruaren arabera. Eskaerak online nahiz aurrez aurre egin daitezke.
Bestalde, Orioko Udala bera ere komunitate energetikoko kide izango da. Horretarako, udalbatzak komunitatearen estatutuak onartu ditu, martxan jartzeko beharrezko urrats bat eginez.
