Tropela Zarauztik abiatuko da 10:00etan, kostaldeko errepideetatik barrena Getaria, Zumaia eta Itziar igaroz. Azpeitira 11:42 aldera iritsiko dira txirrindulariak, Loiolako gunetik pasatuz.

Lasterketak Azpeitia zeharkatu ondoren, Urrestilla, Beizama, Bidania-Goiatz eta Errezil bezalako herrietatik jarraituko du ibilbideak. Azken zatian, Garate mendatea igo eta Getariatik barrena Zarauzko helmugara itzuliko dira 13:30ak inguruan.

Eusko Jaurlaritzako Trafiko Zuzendaritzak ohartarazi duenez, 30 minutuko etenaldiak egingo dituzte lasterketak igarotzen dituen errepideetan. Zirkulazioa Ertzaintzaren motozikleta berdeak igarotzean normalizatuko da.

Eragin handienak GI-631, GI-2635 eta GI-3720 errepideetan aurreikusten dira, 11:00etatik aurrera hasita.