Lehenik eta behin, Iturzaeta eskola ko hobekuntza lanen lizitazioa abiarazi da. Proiektu honek 157.964,29 euro ko (BEZ barne) oinarrizko aurrekontua du, eta esleipendunak gehienez ere zortzi asteko epean burutu beharko ditu obrak, udako garaian, ikasleak eskolan ez daudenean. Lanen xehetasunak arkitekto tekniko batek idatzi ditu.

Aurreikusitako esku-hartzeen artean daude fatxadako lanak, balkoietako hobekuntzak, bajanteen egokitzapena, hainbat ateren berrikuntza, eskailerako konponketak eta beluxaren instalazioa. Udalak lan hauek Eusko Jaurlaritza rekin hitzarmen bidez finantzatu ditu, %60ko finantziazioa lortuz. Helburua ikastetxeko instalazioak eguneratzea da, ikasle eta irakasleentzako espazioak erosoagoak, seguruagoak eta egokiagoak izan daitezen.

Bestalde, Malkorbe hondartza n izozki-kaxeta jartzeko lizitazioa ere atera da. Ekimen honekin, udako denboraldian hondartzan eskaintza osagarri bat eskaini nahi da, erabiltzaileei zerbitzu hobea eskainiz eta aisialdi-gunea aberastuz. Lizitazioaren berrikuntza nagusietako bat kaxeten diseinuari dagokio: zura lehenetsiko da, baina beste material batzuk ere onartuko dira, baldin eta udalaren irizpide estetikoak betetzen badituzte, publizitaterik edo kolore deigarririk gabe, ingurunearekin bat datorren irudia bermatzeko.

Lehentasun-irizpide argiak ezarri dira lizitazioan parte hartzen duten eskaintzen baloraziorako, tokiko ekoizpena eta kalitatezko artisautza sustatzeko asmoz. Hiru talde bereizi dira: Getaria n ekoitzitako izozki artisauak saltzen dituzten enpresak, izozki artisauak ekoizten dituzten enpresak, eta gainerako enpresak. Lizitazioei buruzko informazio guztia udalaren kontratatzailearen profilean kontsulta daiteke.