Aurtengo San Joan jaiak beroak izaten ari dira Urrestillan, eta datozen egunetarako ere tenperatura altuak iragarri dituzte. Atzo, Loretora mendi buelta eta trikitilarien saioa antolatu zituen Urrestillako Festa Batzordeak, baina goizeko egitaraua bertan behera utzi behar izan zuten bero boladagatik. Arratsaldean, ur jolasak eta haurrentzako txokoa antolatu zituzten frontoian, eta bertan elkartu ziren haurrek gogotik gozatu zuten.
Gaur, San Joan bezpera, hasiko dira ofizialki festak Urrestillan, pregoia irakurrita eta txupinazoa botata. San Joan sua piztuko dute, baina ohi baino txikiagoa izango da, herritarren bero kolpeak ekiditeko neurri gisa.
San Joan sua piztuko dute, baina ohi baino txikiagoa izango da, herritarren bero kolpeak ekiditeko.
Datozen egunetarako egitarau zabala prestatu dute. Gaur, asteartea, San Joan bezperan, pregoia eta festen hasierako suziria izango dira, ondoren herri afaria, San Joan zuhaitza sartzea eta suaren inguruko dantzaldia Laket taldearekin. Bihar, asteazkena, San Joan egunean, trikitilari gazteen kalejira buruhandiekin eta erraldoiekin, Azpeitiko Udal Musika Banda ren emanaldia eta meza nagusia izango dira goizean. Arratsaldean, berriz, kontzertuak izango dira Aiama, Fan&Go eta Indate DJa rekin.
Ostegunean, Ekainak 25, San Joan Txiki Eguna ospatuko da, sagardoarekin, mus txapelketarekin eta puzgarriekin. Ostiralean, Ekainak 26, San Joan Hirugarrena izango da, umeentzako jolasekin eta patata tortilla lehiaketarekin.
