Azkoitiako udalbatzarrak, EAJ ren, EH Bildu ren eta PSE-EE ren aldeko botoekin eta Azkoitia Bai ren abstentzioarekin, egonaldi turistikoen gaineko zerga (ETZ) aplikatzea onartu zuen atzoko ohiko udalbatzarrean. Horrela, herriko ostatuetan, hoteletan edota aterpetxeetan ostatu hartzen dutenek egonaldi bakoitzeko 0,75 euro ordaindu beharko dute aurrerantzean.
Ana Azkoitia alkateak azaldu zuen Gipuzkoako Foru Aldundiak onartutako legearen ondorioz derrigortuta zeudela zerga ezartzea, 2027ko urtarrilaren 1a baino lehen onartu ezean, foru arauak ezartzen duen gehienezko zerga aplikatuko litzatekeela.
Foru arauak zenbait salbuespen jasotzen ditu, hala nola 18 urtetik beherakoentzat, aniztasun funtzionala dutenentzat eta mendekotasunen bat duten pertsonentzat nahiz haien laguntzaileentzat. Azkoitiak salbuespen horiek bere ordenantzan mantenduko ditu. Hala ere, hobariak eta errekarguak aplikatzeko baldintzak ez ditu betetzen, herrian 143 ostatu plaza baitaude eta turismoaren intentsitatea %1,21ekoa da.
EH Bildu ko bozeramaile Asier Altuna k turismo jasangarri eta errespetuzkoaren aldeko apustua egin zuen, eta zerga ezartzearen beharrezkotasuna azpimarratu zuen, turismoaren neurririk gabeko esplotazioak herriaren idiosinkrasian eragiten duela adieraziz.
Azkoitia Bai ko bozeramaile Jose Joakin Etxaniz ek abstentzioaren arrazoia azaldu zuen, zerga maila ertainean ezartzearen aldekoak baitziren, ostatu plaza gehiegi eta gutxiegi izatearen arteko egoera dela eta.
Janire Igoa, PSE-EE ko bozeramaileak, ordenantzaren alde egin zuen, arrazoizkotzat joz bisitariek zerbitzuak mantentzen laguntzea, eta neurri orekatua dela gaineratu zuen.
Udalak beste gai batzuk ere landu zituen, hala nola skate parke baten proiektua gauzatzeko 275.000 euroko kreditu aldaketa eta Txalonerreka n babes publikoko etxebizitzak sustatzeko hitzarmena eguneratzea.
Halaber, 2027ko jaiegunak zehaztu ziren: uztailaren 31a, zapatua, eta azaroaren 30a, asteartea. Gainera, datorren urtean, urriaren 7a ere jaieguna izango da, Eusko Jaurlaritza ren eraketa ospatzeko.
