Joan den asteburuan hasi zen Gipuzkoako Herriarteko Pilota Txapelketa, eta Aia k parte hartzen du bai eskuzko modalitatean, bai gomazko paletan. Eskuzko lehiaketak hasi dira dagoeneko, eta Aia k emaitza bikainak lortu ditu Zizurkilen jokatutako final hamaseirenetako joaneko partidan.

Aiarrek erakutsitako nagusitasuna nabarmena izan zen irabazitako partidetan. Kadete mailan, Atorrasagasti eta Illarramendi bikoteak 1-22ko emaitza lortu zuen, eta nagusien mailan, Albeniz eta Orbegozo k 4-22ko garaipena eskuratu zuten. Gazteen mailako partida, ordea, lehiatuagoa izan zen, eta Aizpuru eta Iruretagoiena k 22-10 galdu zuten.

Itzulerako partidak asteburu honetan jokatuko dira, Aiako pilotalekuan, eta bertan erabakiko da hurrengo fasera pasako den taldea. Gomazko paletako modalitateari dagokionez, txapelketako berriena dena, Aia k ere parte hartuko du. Haientzat, lehia geroago hasiko da, zuzenean final laurdenetan sartuko baitira, Hernani, Soraluze edo Zumaia bezalako aurkarien aurka.

Eskuzko modalitatean bezala, gomazko paletako taldeak ere etxetik kanpo hasiko du txapelketa, eta itzulerako partida etxean jokatuko du.