Zarautzen igande honetan, irailaren 20an, ospatuko den BIK TRI MARMARRA triatloi herrikoiaren bosgarren edizioak eragina izango du Getaria eta Zarautz arteko N-634 errepidean. Zirkulazioari eraginez, errepidea itxita egongo da 11:35etik 13:00etara.
Proba 11:30ean hasiko da Zarauzko portutik, eta 550 lagunek parte hartuko dute emakumezko eta gizonezko batek osatutako bikote mistoetan. Ibilbideak 350 metro igerian, 7 kilometro bizikletan eta 1,7 kilometro korrikan izango ditu. Bizikleta-proba N-634 errepidetik burutuko da, Iturritxikiraino joan-etorria eginez, eta horrek errepidearen bi noranzkoetako zirkulazioa etetea ekarriko du.
Atzo aurkeztu zen proba, eta aurtengo edizioan plaza guztiak bete dira. Triatloia lehen aldiz probatzeko hitzordu gisa finkatu da, izan ere, 2025eko parte-hartzaileen %48,2k bertan egin zuen bere lehen triatloia. Lehiaketa ez da ohiko modukoa izango, ez baitago podiumik edo sailkapenik, eta bikotekideek ibilbide osoa elkarrekin osatu beharko dute.
