Programa honen helburua kapelaren mundua ikuspegi anitzetatik herritarrei hurbiltzea eta parte hartzea sustatzea da. Jarduera hauek ekainaren 7an egingo den ekitaldi nagusiaren osagarri izango dira.

Tailerren artean, kapelen pertsonalizazioa egingo da larunbatean Koko Deko dendan. Hilaren 16an eta 22an, Telarista Urbanan txapelak eta kapelak sortuko dituzte oihal birziklatuekin, eta hilaren 29an, Muchas Telas dendan osagaien sorkuntza landuko dute. Horrez gain, sare sozialetan edukiak sortuko dira, hala nola ostegunero Un Rincón para Tik-ek estilismoei buruzko zuzenekoak eskainiko ditu, Tocados OH-k kapelen zaintzari buruzko aholkuak emango ditu, eta Ruiz de Azua botikak azala babesteari buruzkoak.

Ekainaren 7ko ekitaldi nagusian, ibilbidearekin batera, Donosti Lindy Hooek swing dantzaldia eskainiko du Xabier Zubiri plazan, 16:00etan. Kapela daramatenentzat kontzertu bat ere antolatuko da Bar Lobo-n, 17:00etan. Gainera, Txapelarte erakusketa berri bat ere antolatuko da.

2023an sortu zenetik, Kapelaren Ibilbideak sare sendoa osatu du sortzaile eta komertzialen artean, herritarrak kapelaren mundura hurbiltzeko helburuarekin.