La Esperanza auzo elkarteak eta Lasarte-Oriako Udalak antolatutako San Inazio jaiak ostiralean ospatuko dira Basaundi auzoan. Bi urteko etenaldiaren ondoren itzuli dira jaiak, auzoko bizitza suspertzeko eta bertako biztanleen artean sakon errotutako ospakizunak berreskuratzeko helburuarekin.
Txus Alonso Jaietako zinegotziak azpimarratu du jai horiek berreskuratzearen garrantzia: "Ilusio berezia egiten zigun Basaundiri San Inazio jaiak itzuli ahal izateak. La Esperanza auzo elkartearekin izandako lankidetzari esker, Lasarte-Oriako auzo jaietako bat berreskuratzea lortu dugu”.
Egitaraua goizetik hasi eta gauera arte luzatuko da, eta hainbat ekitaldi izango dira: martxa arautua, txistulariak, haurrentzako jolasak, toka eta botea, txaranga, paella herrikoia, mus eta xake txapelketak, gaztelu puzgarriak, merienda, zumba saioa, txistorra eta kontzertuak. Herritarrek eta auzokideek eguna jai giroan igarotzeko aukera izango dute.
Egitarau zehatza honako hau da: 09:00etan martxa arautua Basaundi plazatik; 10:00etan txistularien diana; 11:45ean haurrentzako jolasak; 12:00etan jolas herrikoiak; 13:00etan txaranga; 14:00etan paella jan herrikoia (15€); 15:30ean mus txapelketa; 16:00etan xake txapelketa; 17:00etan gaztelu puzgarriak; 17:30ean haurrentzako merienda; 18:30ean Zumba Master-Class; 19:00etan txistorra jan; 20:00etan Arka Rock Bertsioak kontzertua; 22:00etan StereoRock taldea eta 00:00etan Dantzaldia Ibai Berriak taldearekin.
