Udalekuak goizeko 10:00etatik 13:00etara izango dira. Hala ere, antolatzaileek adierazi dute goizeko 9:00etatik 10:00etara bitartean haurrak zaintzeko zerbitzua ere egongo dela, betiere horretarako gutxieneko haur kopuruak izena ematen badu.

Udaleku hauek 2014 eta 2023 urteen artean jaiotako haurrentzat zuzenduta daude. Begiraleen kopurua, berriz, haurrekin osatutako taldeen arabera zehaztuko da, jardueren kalitatea bermatzeko asmoz.

Begirale gisa parte hartu nahi dutenek beren tituluen eta agirien kopiak aurkeztu beharko dituzte udaletxean, curriculumarekin batera. Informazio gehiago eskuratzeko, antolatzaileek 943 65 24 13 telefono zenbakia eta kultura@altzo.eus helbide elektronikoa jarri dituzte eskura.