Durangoko Udala k 2026 ko San Fausto jaietarako egitaraua aurkeztu du gaur goizean. Urriaren 10etik 18ra bitartean ospatuko diren jaietan, musikak, kulturak, tradizioak, kirolak eta adin guztietako herritarrentzako jarduerek beteko dituzte udalerriko kaleak. Guztira, 169 jarduera inguru izango dira, Jai Batzordearen, udalaren eta hainbat elkarte, kultur talde eta kirol erakunderen arteko elkarlanari esker osatutako egitarauan.
"San Fausto jaiak Durangoko egutegiko hitzordu garrantzitsuenetarako bat dira, durangarrok kalera irten, elkarrekin egon, parte hartu eta jai giroaz gozatzeko unea da", adierazi du Mireia Elkoroiribe alkateak. Elkarte eta kolektiboen inplikazioari esker jai hauek ospakizun zabal, anitz eta guztientzat ireki bihurtzen direla azpimarratu du, eta Durangoko elkarte-sarea "benetako altxor" dela gaineratu du.
Jesica Ruiz jaietako zinegotziak berdintasuna indartzeko nahia nabarmendu du aurtengo egitarauan. "Emakumeen presentzia nabarmenarekin, kultura aniztasuna, tradizioa eta musika uztartu ditugu, baita ikuskizunak, familia jarduerak, kirol proposamenak eta auzoetan bultzatutako ekimenak ere", azaldu du. Egitarauko nobedadeetako bat emakume artisten presentzia izango da, hala nola, Leire Martinez, Goxo Txaranga, Lasque fantaBAND eta Aroa Berrozpe arituko dira besteak beste.
Musika arloan, belaunaldi arteko proposamenak jasotzen dira, tartean Gar, 11 ikusteko jaioak, Sorotan Bele Gogoan, Latzen, Bingo Musikala, 48280, Xiberoots eta Txori Soro Gogoan. Musikari Jon Garcia k "Durangon leku bat dugu artea eta kultura sustatzeko" adierazi du, eta horrelako espazioak beharrezkoak direla gaineratu du.
Beste nobedade batzuen artean, nekazaritza azoka berreskuratuko dute eta 'Patxikotxu auzoz auzo' ekimena martxan jarriko dute. Arantza Arrazola San Agustin Kulturguneko koordinatzaileak zazpi egunetan zortzi ikuskizun izango direla azpimarratu du.
Egitarauak hainbat jarduera zehatz aipatzen ditu, hala nola, urriaren 3an Errotari Elkarte Mikologikoa k antolatutako perretxikoen bilketa, Mugarra Triatloi Taldea k antolatutako Durangoko Duatloia, eta Durango Jai Alai Zesta Punta Eskola ren eskutik "MIGUEL PIEDRA MEMORIALA" Zesta Punta Txapelketa. Domekan, urriaren 4an, Durangoko arkulariak elkarteak antolatutako Arku-tiro Txapelketa eta Errotari Mikologia Elkartea ren Mikologia erakusketa ere izango dira.
Urriaren 9an, ostirala, BROKEN BROTHERS BRASS BAND ek kalejira egingo du eta INTXAURRE kultur elkartea k txupinazoa jaurtiko du. Gauean, FOSIL, MOONSHINERDS eta KATU taldeen kontzertuak izango dira txosnagunean.
Larunbatean, urriaren 10ean, txupinazo eguna ospatuko da. Goizean, San Fausto Gizarte Zentroa ren laguntzarekin 'Patxikotxu auzoz auzo' ekimena izango da. Eguerdian, IRULITXA FANFARREArekin kuadrillen jaitsiera eta SASIKOA KIROL KLUBA ren eskutik txupinazoa udaletxeko plazan. Arratsaldean, United of Ghana Durango kultur elkarteak Ghanako jaia antolatuko du, eta gauean, SKAREAGEKASKO, AIMAR Z eta KENE.MP3 ren kontzertuak, baita LATZEN taldearen emanaldia ere.
Domekan, urriaren 11n, Hiper Eroski Abadiño eta Cafés Baqué ren laguntzarekin Sukalki txapelketa izango da. Arratsaldean, Auzo Alai elkartea ren eskutik herri kirol parte hartzaileak eta Txosna Batzordea ren Karropoteo Kuirra. Arratsaldeko 18:00etan, GOXO TXARANGA k kalejira egingo du eta gauean, GFG -Gazte Foro Gaua- ekitaldia izango da 48280 eta XIBEROOTS taldeekin.
Astelehenean, urriaren 12an, Umeen Eguna ospatuko da. Goizean, KIETB Bermeoko Erraldoi Txikien Konpartsarekin buruhandiak eta erraldoiak. Arratsaldean, San Fausto Gizarte Zentroa ren eskutik tortilla txapelketa eta Murueta Torre Auzo Elkartea ren eskutik Bitsa jaia eta txokolatada. Arratsaldeko 17:30ean, TORNEOS DURANGO elkartearen eskutik JENGA txapelketa.
Martitzenean, urriaren 13an, San Fausto Eguna izango da. Goizean, Durango Irratia airean egongo da eta San Fausto Gizarte Zentroa ren eskutik paella txapelketa. Eguerdian, EGUNDO i taldearekin kantusaioa eta POTX MAGOA ren magia ikuskizuna. Arratsaldean, La Enana Naranja konpainiak "Kontu kantari 2" ikuskizuna eskainiko du eta gauean, REVIVAL taldearen kontzertua.
Ostiralean, urriaren 16an, Durango Pelotazale Kluba ren eskutik PILOTA FEST izango da. Arratsaldean, ZIRKUN ZIRKO ren zirku tailerrak eta BENTAZAHARREKO MUTIKO ALAIAK taldearekin kantusaioa. Gauean, MARITXU HANKATXU eta IGURTZI SERRANO ren DRAG TXOUA eta LEIRE MARTÍNEZ en kontzertua.
Larunbatean, urriaren 17an, Mozorro Eguna ospatuko da. Goizean, ASEBIER elkartearen eskutik haur tailerrak eta TXIRI TXIRI taldearen kalejira trikitilariekin. Arratsaldean, ZIGOR ITURRIETA k prestatutako elkartasun bazkaria eta SUGARRI fanfarrearekin kalejira. Gauean, ALASKA ON TOUR ORKESTRA ren kontzertua.
Domekan, urriaren 18an, San Fausto XIV. padel txapelketaren finalak izango dira. Goizean, Durangoko Arkulariak elkarteak antolatutako arku tiroketa. Eguerdian, TABERNA IBILTARIArekin kantu saioa eta RUMBO A TIJUANA taldearekin mariatxiak. Jaiak su artifizialekin amaituko dira.
Azkenik, urriaren 24an, Silboberri Txistu Elkartea k Durango Txistu Kontzertua eskainiko du eta urriaren 25ean, Durangoko III. Mendi Martxa eta Tronperri Dantza Taldea eta Txoritxu Alai Dantza Taldea ren eskutik Umeen Euskal Jaia ospatuko da.
