Alegiko Udalak hainbat herritarrek zaborrekin loturiko jokabide desegokiak izaten jarraitzen dutela salatu nahi du. Gutxiengo bat izanagatik, herritar guztiei kaltea eragiten dieten jokabideak direla adierazi du.
Udalak ondoko puntuak gogorarazi nahi ditu: edukiontzietatik kanpo geratzen den guztiak ingurumenari kaltea eragiten diola eta errefusa bihurtzen dela, horrek herritarrek ordaindu beharreko faktura areagotzen duelarik.
Tamaina handiko hondakinak ostegunetan atera daitezke 20:00etatik aurrera, edukiontzien alboan ahalik eta txukunen utzita. Era berean, frakzio bakoitza bere edukiontzira bota behar dela gogorarazi du.
Zentzu horretan, urriaren 21ean, hondakinen inguruan egingo den bilera irekirako deialdia egiten die Udalak herritarrei. Gaiaren inguruan luze eta zabal aritzeko aukera izango da 18:00etatik aurrera udaletxean.
