Palestinaren aldeko ekintzaileek adierazi dute bi eraikin horiek Rothschild familiarenak direla, eta familia horrek harreman historikoak izan dituela mugimendu sionistarekin eta Israelgo Estatuaren sorrerarekin. Horregatik, ez dutela nahi “estatu genozida bati laguntzen dion enpresa edo familia sionistarik Euskal Herrian”.
Protesta Samaniego jauregiaren aurrean hasi zen, eta ondoren Macan upategira joan ziren. Ertzaintzak ekintzan parte hartu zuten pertsonak identifikatu zituen. Plataformak gogoratu duenez, hau da Euskal Herrian egin duten bosgarren ekintza mota hau.
“"Saif eta Thiago askatu dituzte, baina 9.000 bahituetatik azkena askatu arte jarraituko dugu."
Iragan apirilaren 30ean, Israelek flotilla bat geldiarazi zuen, eta 177 ekintzaile atxilotu zituen. Azkenak aske geratu direnak Saif Abukeshek eta Thiago Avila izan dira, Israelek igande goizaldean deportatu baititu.
