Partida, 19:00 etan hasiko dena, garrantzi historikoa du klub berde-beltzarentzat, sestaoarrek beren historiako lehen titulu ofiziala irabazteko aukera izango baitute. Ekitaldi berezi hau modu kolektiboan bizitzeko, Udalak topagune bat eskaini nahi die Las Llanas Futbol Zelaian egon ezin duten zale guztiei, partida jarraitzeko eta taldea une garrantzitsu honetan animatzeko.
Horrela, Kasko plazak herritar guztiei zabalik dagoen harmaila erraldoi bat bihurtuko da, non Sestao River-eko jarraitzaileek emozioak bizi, futbolean gozatu eta taldea garaipenerantz bultzatu ahal izango duten. Gainera, giro festibo bat sortzeko, DJ batek jarriko du musika partida hasi aurretik.
Udalak herritar guztiak animatzen ditu Kasko plazara hurbildu, kolore berde-beltzak jantzi eta Sestao River-ekin batera klubaren historiako orrialde garrantzitsuenetako bat izan daitekeen final batean parte hartzera.
Amaitzeko, Udalak iragarri du Sestao River-Recreativo de Huelva partida luzapenera ez bada joaten eta 90 minutu erregularren barruan amaitzen bada, pantaila aprobetxatuko dela Euskal Selekzioa k eta Venezuela k larunbatean San Mamés en jokatuko duten lagunarteko partida baten bigarren zatia emateko.
