Arnasguneek hizkuntza gutxituen biziberritzean duten garrantzia aitortuta, UEMAk (Udalerri Euskaldunen Mankomunitatea) "Esnatu" dinamika abiatu du euskararen egoera indartzeko. Siadecoren proiekzio demografikoek erakusten dutenez, egungo joerak jarraituz gero, euskara galera fasean sartuko litzateke.
Dinamika honek gizartea aktibatu nahi du, eta Oñatiko Udalak bat egin du erabaki horrekin azken Osoko Bilkuran. Udalak sei konpromiso zehatz hartu ditu bere gain: erabilera planean onartutako hizkuntza irizpideak betetzea; kontratazio publikoetan hizkuntza baldintzak txertatu eta jarraipena egitea; doako euskalduntzea bermatzea; haur eta gaztetxoen aisialdia euskara hutsean programatzea; euskararen normalizazioan urrats sendoak ematea eta etorri berriak euskara gertatzeko egitasmoak sustatzea.
EH Bilduk aurkeztu zuen mozio-idatzia, eta EAJk bat egin zuen. EAJk, gainera, "Arnasguneak zaintzeko eta indartzeko" izenburupean beste mozio bat aurkeztu zuen, baina ez zen aurrera atera.
