Gertaera goizeko hamarrak baino lehen jazo da, Ertzaintzak gidariaren egoeraren berri izan duenean. Agenteak berehala bertaratu dira eta, gizonaren jarrera urduria ikusita, droga-testa egin diote.

Testaren emaitza positiboa izan da. Gainera, atxilotuari egindako miaketa batean, hauts zuria eta bederatzi pilula zituen poltsatxo bat aurkitu diote, ustez estupefazienteak. Horren ondorioz, gizonezkoa atxilotu egin dute bide-segurtasunaren aurkako ustezko delitu batengatik, eta administrazio-zehapen proposamena egin diote Herritarren Segurtasuna Babesteko Legea hausteagatik, drogak edukitzeagatik.

Atxilotua Getxoko Ertzain-etxera eraman dute dagozkion eginbideak burutzeko, eta horiek amaitutakoan, epailearen esku jarriko dute. Tren turistikoa bertan geratu da immobilizatuta, eta adingabeak autobus bidez eraman dituzte beren ikastetxera, inolako gorabeherarik gabe.