Leioako Udala irailaren 1ean hasiko da OTAren ordutegi berria ezartzen Pinueta, Lamiako eta Ibaiondo auzoetan, udalbatzak aho batez onartutako neurri batean. Neurri honekin, egun laboragarrietan aparkaleku arautuaren zerbitzua 21:00etatik 00:00etara luzatuko da.
Erabaki hau auzokideek hainbat bilera eta topaketatan egindako eskaerei erantzuten die. Bertan, batez ere arratsalde-gaueko orduetan aparkatzeko zailtasunak nabarmendu zituzten.
Araudiak amaierara hurbiltzean, egoiliarrak ez diren ibilgailuek lekuak hartzen dituzte sarri, eta horrek auzo horietan bizi direnentzat egunerokoa zailtzen du. Ordutegia luzatzeak egoiliarren lehentasuna indartu nahi du, etxebizitzetatik gertu aparkatzeko aukera erraztuz.
Irailaren 1etik aurrera, OTA astelehenetik ostiralera 9:30etik 13:30era eta 16:00etatik 00:00etara egongo da martxan. Larunbatetan, berriz, 9:00etatik 13:30era mantenduko da ordutegia.
Ordutegi aldaketa honek ez du inolako kostu ekonomiko gehigarririk ekarriko OTA txartela dutenentzat; beraien egungo baldintzak mantenduko dira.
Ekintza hau udalak Leioako mugikortasuna hobetzeko eta herritarrek planteatutako beharrei erantzuteko duen konpromisoaren parte da, auzoetako bizi-kalitatea hobetuz.
