Luis Aranburu udal musika eskolak organo bat jaso du dohaintzan, musika hezkuntzan eta ikerketan aurrera egiteko. Dohaintza honek antzinako musikaren transmisioa bermatzen lagunduko du, eta eskolako ikasleek instrumentu horrekin lan egiteko aukera izango dute.
“"Unzuetak musikari, interpretazioari eta ikerketari eskaini dio bere bizitza. Orain, bere eskuzabaltasunari esker, musika eskolak eta bertako ikasleek haren legatuarekin aurrera jarraitu ahal izango dute, antzinako musikaren transmisioan lagunduz, iraun dezan eta ezagutu dadin."
Dohaintza egin duen pertsonak Gasteizko Seminarioan egin zituen apaiz ikasketak, eta ondoren Ekuadorrera joan zen misiolari. Itzuli zenean, filosofia eskolak eman zituen Ikasbidea ikastolan, eta organoa ikasi zuen Jesus Guridi musika kontserbatorioan. Prestakuntza horri esker, organista titular gisa jardun zuen Santa Maria Katedralean eta San Pedro elizan.
Musikaren arloan egindako ikerketa lana ere nabarmendu behar da, dokumentazioa biltzeko, inbentariatzeko eta digitalizatzeko lan handia egin baitu. Lan horri esker, 2024an, Gasteizko Elizbarrutiko Musika Ondarearen Artxibo berria ireki ahal izan zen.
Organoa dohaintza egin duen pertsonaren etxean zegoen, eta han egin izan ditu ikerketa lanak. Ikasturte honetan, organoa desmuntatu, garraiatu, muntatu eta afinatu ahal izan da, eskolako antzinako musika gela izango den tokian jartzeko. Dohaintza honi esker, hurrengo ikasturtean organo eskolak eskaini ahal izango dira.
