Durangoko Udalak herritarrentzat izapideak errazteko helburuarekin, dokumentazioa berritzeko hitzordu berriak iragarri ditu. Zehazki, uztailaren 2an eta 15ean, eta abuztuaren 6an eta 19an izango da aukera hori. Herritarrek NANa (DNI), pasaportea berritu ahal izango dute, baita NAN elektronikoaren ziurtagiriak aktibatu ere, Ezkurdi plazan kokatuko den bulego mugikorrean.
Hitzorduak kudeatzen hasteko data datorren ostirala, ekainaren 5a, izango da, 8:00etatik aurrera. Interesdunek aurrez aurre joan daitezke SACera (Barrenkale 17) edo 94 603 00 00 telefono zenbakira deitu. Ez da hitzordurik emango WhatsApp bidez.
Barne Ministerioak ezarritako tasak 12 euro dira NAN bakoitzeko eta 30 euro pasaporte bakoitzeko. Ordainketa eskudirutan egin beharko da izapidea egiteko unean. NAN elektronikoaren aktibazioa doakoa da. Neurri honek aurreko deialdietan jasotako arrakasta eta eskari handiaren ondorio da, eta helburua da udalerrotik irten beharrik gabe dokumentazio pertsonala berritzea erraztea.
