Aparkaleku hau behin-behineko irtenbide gisa ulertzen da, eta auzokoekin elkarlanean garatu da. Lehentasuna errekaren ondoko bidea libre uztea izan da, larrialdi-zerbitzuek sarbide egokia izan zezaten. Horregatik, neurriak premiazko eta behin-behineko izaera du, baina auzoko aparkaleku faltari ere erantzun nahi dio.

Landa-eremua denez, aparkalekua 'todo-uno' materialarekin egin da, elementu naturalagoa dela eta errazago berrerabili edo kendu daitekeela ulertuta. Material honek lurrak ura modu naturalean xurgatzea ahalbidetuko duela azpimarratu dute. Tokiko erakundeak adierazi duenez, oraindik ez dago argi irtenbidea behin betikoa izango den ala ez, benetako erabilera neurtu behar baita etorkizunean espazio gehiago behar den edo eremua berreskuratu behar den erabakitzeko.

Datozen egunetan, eguraldiak ahalbidetzen duen heinean, oinezkoentzako pasabidea margotu eta seinaleztatuko da aparkalekuraino, eta Loidi ra ere iritsiko da, oinezkoen segurtasuna eta irisgarritasuna hobetuz. Lan hauek Santa Barbara auzoan, Alberro sagardotegitik Jauregi auzoraino, egingo diren oinezkoentzako margoketekin batera egingo dira, mugikortasun iraunkorra eta oinezkoen lehentasuna sustatuz.