Hitzarmenaren baitan, EHUko taldeak Oñatiko udalerriko arkeologia-paleontologia aztarnategien ikerketa egiten du, balorean jarriz eta dibulgazio lana eginez. Pasa den astean Oñatiko Unibertsitatea Arkeotopaketak egin ziren Kultur Etxean, eta Jaturabe IX koban indusketa kanpainak egiten ari dira azken urteotan. Udalak 12.000 euro bideratzen ditu hitzarmen honetara.
Taldeak 2026ko ekintza plana helarazi dio Udalari, eta horren berri emango da gaurko Tokiko Gobernu Batzarrean. Era berean, gazteen emantzipaziorako bi dirulaguntza eskaera eta XXI. Aloñako igoerako lan taldeak aurkeztu duen kontu zuriketa eta likidazioa aztertuko dira.
