Lanek Zumaiako kalea n eta Begoñalde Taldean bertan eragingo diete espaloiei, galtzadari eta aparkalekuei. Obrak direla eta, semaforo bidez arautuko den pasabide alternatiboa egokituko da ibilgailuentzat.
Esku-hartze honek saneamendu-sarea hobetuko du, baita Begoñalde Talderako sarbidean oinezkoen mugikortasunaren baldintzak ere. 125 metro inguruko bide honek espaloi estuak eta etenak ditu, eta batez besteko %19ko malda.
Proiektuak espaloiak gutxienez 1,50 metroko zabalerara arte handitzea aurreikusten du, eskailerak kentzea, zoladurak eta barandak berritzea eta oinezkoentzako pasabide berriak sortzea. Gainera, beste zerbitzu batzuetan ere jardungo da, hala nola euri-uren biltze-sarean eta argiztapen publikoan, argi-luminaria berriekin.
Auzokide Planearen barruan kokatzen den jarduera honek 511.645,65 euroko aurrekontua du (BEZ barne) eta zazpi hilabeteko gauzatze-epea.
