1980 eta 1985 artean Eusko Jaurlaritzako lehendakari izan zen Carlos Garaikoetxea. Haren agintaldian, zehazki 1983 tik 1986 ra, Hezkuntza sailburuorde kargua bete zuen pertsona batek, Aretxabaletako jatorria duenak, tristuraz hartu du lehendakari ohiaren heriotzaren albistea.
“"Ni baino hilabete batzuk gazteagoa zen. Momentu asko eta politak bizi izan ditugu. Eusko Jaurlaritzako kontseiluan ere egon izan nintzen berarekin. Anekdota asko dauzkagu. Egin genuena interesgarria izan zen orduko baldintzak eta baliabideak zeintzuk ziren ikusita."
Sailburuorde ohiak adierazi duenez, Garaikoetxea eredu izan da berarentzat, eta haren umiltasuna eta jendea motibatzeko barne indarra azpimarratu ditu. Haren jokabidea eredugarritzat jo du, baikorra baitzen eta %100eko konpromisoa baitzuen bere lanarekin.
“"Oso umila zen, eta batez ere, barne indarra zuen jendea motibatzeko. Bere jokaera ikusten dut eredu bezala. Baikorra zen eta %100eko konpromisoa zeukan."
