Gipuzkoako Herriarteko Pilota Txapelketaren lehen fasea martxan da, eta eskualdeko hainbat herrik hartu dute parte hasierako kanporaketetan. Zumaiak, ordea, ez du nahi bezala ekin lehiaketari, bi eta huts galduz erremintako modalitatean.

Partidak Aitzuri frontoian jokatu ziren, final-zortzirenetako fasean, Oiartzunen aurka. Zumaiak berdinketa lortzeko aukera izan zuen, baina azkenean esku hutsik amaitu zuen jardunaldia. Larruzko palan, bikote batek 21-35 galdu zuen, eta pala motzean, beste bikote batek 39-40ko emaitzarekin.

Emaitza honekin, kanporaketa zaildu egin zaio Zumaiari, baina oraindik itzulerako partidak geratzen zaizkie. Hurrengo asteburuan jokatuko dituzte bueltako partidak Oiartzunen. Bestalde, gomazko paletako pilotariek datorren asteburuan jokatuko dute final-zortzirenetako partida, Soraluze izango dute aurkari.