Duela hiru urte hasitako bideari jarraituz, ‘Elgoibartik Mundura’ proiektuak aukera berri bat eskainiko die herriko elkarteei, merkatariei, ostalariei eta udalerrian zerbitzu ezberdinak eskaintzen dituztenei beren webguneak sortzeko.
Ekimenaren helburuak STEAM bokazioak (zientzia, teknologia, ingeniaritza, arteak eta matematikak) sustatzea, euskararen erabilera bultzatzea arlo horretan eta Puntu.eus domeinuaren ikusgarritasuna areagotzea dira.
Parte hartu nahi dutenek urriaren 9ra arteko epea dute izena emateko. Proiektuak doan garatuko ditu webguneak, eta baita doako domeinua eta hosting-a eskainiko ditu lehen urterako.
Interesdunek [https://labur.eus/elgoibartikmundura](https://labur.eus/elgoibartikmundura) estekan eman dezakete izena. Informazio gehiagorako, kudeaketa@elgoibarkoizarra.eus helbidera idatzi edo 643 499 169 telefono zenbakira dei daiteke, Amaia Lasagabaster rekin harremanetan jarriz.
