Joan den ikasturtean izandako arrakasta ikusita, Debabarreneko udalek erabaki dute aurten ere Begirale ikastaroa antolatzea. Lehen taldea osatuta dago jada, eta bigarren talde bat sortzeko interesa ere badagoenez, udalak ahalegin horretan ari dira.
Ikastaroa euskaraz izango da, eta parte hartu nahi dutenek 18 urte bete beharko dituzte 2027ko ekainaren 30erako. Ikastaroa gainditzen dutenek Eusko Jaurlaritzak homologatutako “Haur eta Gazteen Aisialdirako Begirale” titulu ofiziala eskuratuko dute.
Ikastaroaren atal teorikoa urrian hasi eta maiatzean bukatuko da, eta 150 ordu ko iraupena izango du. Horrez gain, asteburu osoko hiru irteera egingo dira. Ondoren, 160 orduko praktikak egin beharko dira boluntario gisa.
Ordutegia honakoa izango da: larunbatetan 9:30etik 18:30era (bazkaltzeko ordubete eta laurden), eta asteburu osoko hiru irteera, larunbat goizetik igande arratsaldera arte.
Larunbatetako saioak Debabarreneko bi herritan izango dira, izen-ematearen arabera. Ikastaroaren prezioa 300 €-koa da, baina Debabarrenean erroldatuta daudenek 150 € bakarrik ordaindu beharko dute.
Izen-ematea irailaren 18ra arte egongo da zabalik. Informazio gehiago nahi izanez gero, 943 744366 telefono zenbakira deitu daiteke edo online bete daiteke.
