Argiztapenaren berritze-lanek Jundiz eta Zabalgana auzoetan eragingo dute, eta 2027rako aurreikusitako 800.000 euroko konpromiso-kreditu baten bidez gauzatuko dira. Guztira, 1.107 argi-puntu berrituko dira Jundizen eta beste 587 Zabalganan.
Modernizazio honek LED teknologiaren aldeko apustua egingo du sistema osoan, Jundizko 21. sektorea izan ezik. Zutabeak mantenduko dira, obra zibil gehigarririk egin beharrik ez izateko. Jundizen, urteko energia-aurrezpena 843.000 kWh ingurukoa izango da, eta horrek 76.000 euro murriztuko du argi-faktura.
Zabalganan, aurrezpena urtean 287.000 kWh-ra iritsiko da, eta kontsumoa 26.000 euro inguru jaitsiko da. Bertan, Mariturri Bulebarra, Iruña-Veleia, Giza Eskubideak eta Zuatzu Atea kaleetan egingo dira hobekuntzak. Egungo argi-puntuak LED ekin hobetuko dira, dagoeneko dagoen azpiegitura aprobetxatuz.
Bi jarduketen bidez, guztira 1.694 argi-puntu berrituko dira. Bi auzoen arteko aurrezpenak urtean 1,1 milioi kWh gaindituko ditu, eta kontsumoan 102.000 euro inguru aurreztuko dira urtero.
“"Inbertsio oso garrantzitsu baten aurrean gaude, argiztapen publikoaren modernizazioan eraginkortasun eta iraunkortasun irizpideekin aurrera egiten jarraitzeko aukera ematen diguna. Jundizen jauzi garrantzitsua ematen dugu, industria-gune ia osoa berrituz. Oso espero den jarduketa da, hiriko jarduera ekonomikorako funtsezko ingurune batean argiztapena hobetzen duena."
