Udalerriko hainbat espaziotan liburu aurkezpenak, ipuin kontaketak eta haurrentzako antzerki emanaldi bat eskainiko dira. Ekimen honekin, irakurzaletasuna bultzatu nahi da, irakurketa tresna eraldatzaile eta askatzaile gisa ulertuta.

Programa honen aurkezpenean, Zumaiako Udala k Irakurtzen duten zumaiarrak arriskutsuak dira leloa erabili du berriro. Eslogan hau Stefan Bollmann ek argitaratutako Women who read are dangerous liburuan inspiratuta dago, eta kartelaren irudiak Vittorio Matteo Corcos margolariaren Sogni (1896) obra gogorarazten du.

Udala k azpimarratu du irakurketa beti izan dela praktika eraldatzaile eta askatzailea, batez ere emakumeentzat eta bazterreko kolektiboentzat. Horregatik, irakurketa sustatzea funtsezkoa da herritar aktibo, kritiko eta gogoetatsuez osatutako komunitate bat sendotzeko.

Aste honetan zehar, lau jardunaldi izango dira. Asteartean, Alondegia n, Goiz Eder Iturain zumaiarraren Hamaika irakurtzeko jaioak liburuaren aurkezpena egin zen. Ostegunean, Irene Irureta zumaiarrak Flysch pop-up albuma aurkeztuko du Oxford aretoa n. Ostiralean, Ixabel Agirresarobe ren Maletan bi ipuin ipuin kontaketa saioa izango da Haur liburutegia n. Azkenik, igandean, Aita Mari zineman, Ttanttaka konpainiaren Mundua pitzatuta dago baina hantxe gabiltza oinez haurrentzako antzerki lana ikusi ahal izango da.

Zumaiako Udala k gogorarazi du urte osoan zehar irakurketa sustatzeko lanean diharduela, udal liburutegian programa zabala eskainiz eta herritarren parte-hartzea bultzatuz. Gainera, irakurketa klub batean parte hartzera gonbidatzen ditu herritarrak, irakurketa esperientzia aberasteko eta literaturaren inguruko topaguneak sortzeko.