Itsasoko Izarraren eta itsasgizonen arteko lotura historikoa gogoraraziko dute Zumaian larunbatean, Beduola elkarteak, Astindu dantza taldeak eta Zumaiako Udala k elkarlanean antolatutako ekitaldi berezi batean. Ekitaldiak, eguerdiko 12:30ean hasita, garai bateko Karmengo Eguneko ospakizuna berreskuratzea du helburu.
Ekitaldiak batelen porturatzea irudikatuko du, sardinak lehorreratuz. Ondoren, arrantza produktuaren salmenta egingo da Kofradiako plazan. Arraina lehorreratu ondoren, sardina erre dastaketa eta txotxa ere izango dira, arratsaldeko giroa alaitzeko.
Ekitaldi nagusiaren aurretik, ostiralean, Iker Iriarte k eta Pablo Dendaluze k sortutako 'Auzolangintza' dokumentala emango da Alondegiko Oxford aretoan, 20:00etan. Egileak bertan izango dira aurkezpenean.
Itsasgizonek bizitza jokoan jartzen zuten ekaitzetan, eta itsaso beltzean itsasontzia gidatzen zuen izar distiratsu baten moduan ikusten zuten gero Ama Birjina.
Itsasoko Izarraren irudia, mendeetan zehar euskal arrantzale eta marinelek Karmengo Amaren figurarekin fusionatu zutena, gaur egun ere bizirik dirau kostaldeko herrietan, itsas prozesioetan marinelak babesteko eta arrantza ona izateko eskatuz.
