Zumaia ko Oikia auzoan San Bartolome jaiak ospatzen ari dira giro bikainean. Ostiralean hasi ziren jaiak txupinazoarekin, eta ondoren, Oihana Iguaran eta Jon Maia ren bertso poteoa eta herri afaria izan ziren. Gauean, Ostolaza eta Larrañaga rekin erromeriaz gozatzeko aukera izan zen.
Larunbatean, goizean goizetik, gazteek ohiturari eutsi zioten baserriz baserri eta etxez etxe dantzan eginez. Eguerdian, patata tortilla lehiaketa egin zen giro alaian. Bederatzi bikotek hartu zuten parte, eta Maialen eta Mikelek prestatutako tortillak irabazi zuen. Sari gisa, Muniosoron otordua jaso zuten.
Arratsaldean, sagardo dastaketa antolatu zen Kitadelpare txarangak girotuta. Gauean, Obaneuke taldearen erromeria eta ondoren DJ Patx aritu ziren goizaldera arte.
Igandean, adinekoek izango dute protagonismo berezia. 12:30ean omenaldia egingo zaie frontoian, eta pilota partida jokatuko dute Sasiain-Urruzola eta H. Murua-Irazustabarrena bikoteek. Ondoren, jubilatuen bazkaria izango da Muniosoron.
Arratsaldean, herri kirolak izango dira ikusgai: harri-jasotzen Olaia Esnaola eta Lorea Esnaola ariko dira, eta aizkoran, Mujika-Bihurri eta Kortxero-Mugertza lehiatuko dira. Herri kirol jaialdiaren ostean, idi probak egingo dituzte Etxabe eta Bixki k. Eguna Laja eta Lutxurdio trikitilarien erromeriarekin amaituko da.
Astelehenean, abuztuaren 24 an, San Bartolome eguna ospatuko da. Goizean meza eta Errotaberri Bertso Eskola koen emanaldia izango da. Arratsaldean, XXXVI. Asto probak egingo dituzte Artabilla, Peio, Muniosoro eta Bentuene k. Gauean, Elustondo anai-arrebak trikitilariekin erromeria izango da.
Asteartean, hilaren 25ean, umeak izango dira protagonistak. Goizean puzgarriak eta bazkaria izango dituzte. Arratsaldean, XVIII. Karrikotxe jaitsiera, ur jolasak, eskulanak eta argazki txokoa antolatu dira. Txokolatada ere izango da. Iluntzean, afari legea eta karaokea egingo dituzte plazan, eta 21:00etan V. Zokormazo afaria.
Jaietako azken ospakizuna abuztuaren 28 an izango da, San Agustin eguna eta Blusa Eguna. Goizean meza eta herri kirolak izango dira, Enaitz Alberdi eta Erkizi trikitilariek girotuta. 14:30ean paella jana eta bingoa izango dira. Arratsaldean, GUKAren eskutik umeentzako txokoa eta Auxtinpotin en emanaldia. Gauean, Izer eta Alabier trikitilarien erromeriarekin eta txin-txin herrikoiarekin emango diete amaiera jaiei.
