Hasiera batean, euriaren beldurrez, kiroldegiaren estalpean egitekoa zen haurren danborrada. Hala ere, larunbat arratsaldeko seietan, eguzkiak eta beroak lagundu zuten, eta horri esker, haurrek kalejira egin ahal izan zuten, santakutzei amaiera emanez.
Danbor taldeek, banderadunek eta Zestoako bainuetxeko pertsonaia ezagunek hartu zuten parte, musika bandarekin batera San Sebastian doinuak joz. Desfilearen atzean, Urolako trenari eskainitako karroza bat zihoan, herriko historiaren zati garrantzitsu bat gogoratuz.
“"Lagun talde bat bildu gara eta denon artean egin dugu."
Karroza hau Urolako trenaren sorreraren mendeurrena ospatzeko sortu zen. Zestoak lotura estua izan zuen tren honekin, batez ere bere bainuetxea zela eta. Garai hartan, bidaiari gehienak trenez iristen ziren herrira, eta geltokia herriko sarrera nagusietako bat zen. Bertan, Pepe loroa, geltokiko maskota, trenaren txilibitua imitatzeagatik zen ezaguna.
Karroza egiteko, Azpeitiko Arte eta Diseinu Eskolarekin harremanetan jarri ziren, eta Azpeitiko danborradan erabili gabeko tren karroza bat berreskuratu zuten. Horrela, Urola Zaharra izeneko karroza honek Zestoaraino bidaia egin zuen, herritarren artean harrera beroa jasoz.
Bi eguneko festak jendez inguratuta ospatu ziren, eta larunbatean ere danborrada handia izan zen. Zortzi taldek hartu zuten parte, Zestoako Musika Bandak, Zumai txarangak, Ustekabe txarangak eta Azpeitiko Udal Musika Bandak lagunduta. Aurtengoan, omenaldi berezia egin zitzaion Jesus Aizpurua 'Txispi'-ri, Lau Iturri taldearen zuzendari izandakoari, Debako martxa joaz.
