Urretxu ko Udalak gaur arratsaldean egindako osoko bilkuran erabaki du AldiriBi kiroldegia ren obra esleitzea. Sei enpresa aurkeztu ziren lizitaziora, eta puntu gehien lortu dituen Altuna y Uria izan da esleipenduna. Obrak 6,1 milioi euro ko aurrekontua izango du, eta kiroldegia 2028ko amaierarako prest egotea espero da.
Batzar horretan, EAJ k eta PSE-EE k aldeko botoa eman zuten proiektuaren alde, eta EH Bildu k abstentzioa erabaki zuen. EH Bilduko Julen Azpeiti ren esanetan, proiektuari abstentzioa emateko arrazoi beragatik, esleipenari ere abstentzioa ematea erabaki dute, koherentziagatik.
Kiroldegia 5.000 metro koadro ko lursail batean eraikiko da, egun Urretxu-Zumarraga ikastola ren patioa dagoen tokian. Eraikin berriak lau solairu izango ditu eta kantxa estali bat ere bai. Gainera, igerilekurako sarrera aldatuko da, eraikin berritik sartuko baita bertara. Azpiegiturak erabilera anitzetarako lau gela, kantxako eta igerilekuko aldagelak, biltegia eta igogailua ere izango ditu. Inguruan parke bat ere egingo da.
Eraikinak eta kantxak 1.800 metro koadro ko azalera hartuko dute, eta parkeak 3.700 metro koadro ko eremua. Obrak bi urte inguru irautea aurreikusten da.
