Danbolin musika eskolako dantza tailerrean hasi eta Harribil dantza taldean jarraitu zuten Manterola k eta Alkain ek. Manterola k bost urte daramatza taldean eta Alkain ek hamalau, eta duela urtebete erabaki zuten elkarrekin dantza sueltoan aritzeko bidea hartzea.
“"Oso sakrifikatua da, baina hasieratik erabaki genuen dena ematera joango ginela txapelketa guztietara, entseguetan ere ahal bezainbeste ahaleginduko ginela eta hau ez genuela denbora-pasa gisa hartuko."
Lehen denboraldian emaitza onak lortu dituzten arren, bikoteak ez du lehen hiru postuetan geratzeko itxaropen handirik hurrengo denboraldirako. Haien helburu nagusia teknikoki hobetzea, publikoa irabazten ikastea eta Aristerrazu ko eta inguruko erromerietan ikusten diren pausoak beren dantzetan sartzea da.
“"Txapelketetako pausoak beti oso antzekoak izaten direnez, eta guk zerbait bereziagoa egin nahi dugunez, herriko eta inguruko pauso zaharrak berreskuratu nahi ditugu txapelketetan erabiltzeko."
Gainera, Orio tik dantza sueltoko bikote gehiago ateratzea nahiko lukete, eta erreferente izan nahi dute gazteagoentzat, Eneko Dorronsoro eta Marijo Salsamendi bezala. Dantza haientzat sentimendu bat da, eta ahal duten bitartean jarraitu nahi dute.
Manterola psikologia ikasten ari da, eta Alkain ek moda diseinua ikasi du eta irakaskuntzako masterra egiten ari da. Biek ere dantzarekin lotutako lanbide bat izatea gustatuko litzaieke etorkizunean, nahiz eta zaila izan.
