Urrian zehar, Irun Zuzenean zikloak musika eskaintza zabala izango du Irunen. Kontzertu nagusiez gain, CBA zentroko IrekiART espazioak DJen emanaldiak hartuko ditu, hilabeteko larunbatetan programatutako zuzenekoak osatzeko asmoz.
Egitarauaren barruan, urriaren 9an, Igor Paskual gitarristak rock abestiak konposatzeari buruzko masterclass bat eskainiko du. Gainera, urriaren 10a gazteei zuzendutako jardunaldia izango da, eta bertan DJ saioak eta hainbat talderen emanaldiak uztartuko dira.
Sarrerak eta bonuak udalaren webgunean eskuratu daitezke. Aurten, antolatzaileek bonu berezi bat sortu dute kontzertu guztietara prezio merkeagoan joateko aukera emanez, langabetuentzat, 14 urtetik beherakoentzat eta familia ugarientzat deskontuak barne.
