Verónica García da Urola Kosta Mankomunitateko Turismo arduradun berria. Bere lanpostua duela gutxi sortu da, eta bereziki garrantzitsua izango da eskualdeko turismo-eredua indartzeko, aberastasuna sortzeko eta enplegu egonkorra eta kalitatezkoa sustatzeko.
Gipuzkoako Foru Aldundiko Mugikortasun, Turismo eta Lurralde Antolaketako foru diputatu Azahara Domínguezek azpimarratu du Urola Kosta eskualdeak duen garrantzia. Izan ere, Gipuzkoako hirugarren turismo-helmuga da bisitari kopuruari dagokionez, eta familia-turismoan erreferente izateko ahalegin handia egiten ari da.
Domínguezek nabarmendu duenez, Gipuzkoan turismo-eredu berriaren oinarriak finkatzen ari diren une honetan, Garcíaren izendapena «bereziki garrantzitsua» da. Eredu hori bi zutabetan oinarritzen da: lurraldearen garapen ekonomikoa desestazionalizazioaren eta fluxuen deslokalizazioaren bidez, eta bisitariak erakartzeaz gain, lurraldearen zaintzan eta bertan bizi garenon ongizatean laguntzen duen jarduera indartzea.
«Gure eskualdeetako turismo-kudeaketaren helburu nagusia enplegu aukera egonkorrak, duinak eta kalitatezkoak sortzea nahi dugu, sektorean lan egiten dutenek Gipuzkoan beren proiektu pertsonala garatzeko aukera izan dezaten», adierazi du foru diputatuak. Horretarako, «denboraldiz kanpoko jarduera murriztea, urte osoan zehar dibertsifikatzea eta hemen bizi garenon onurarako garapen ekonomiko orekatua sustatzea» bultzatzen dute.
“"Gure eskualdeetako turismo-kudeaketaren helburu nagusia enplegu aukera egonkorrak, duinak eta kalitatezkoak sortzea nahi dugu, sektorean lan egiten dutenek Gipuzkoan beren proiektu pertsonala garatzeko aukera izan dezaten"
Bestalde, Urola Kosta Mankomunitateko presidente Ion Arozena ren iritziz, «turismo-teknikaria kontratatzea urrats garrantzitsua da Urola Kostaren azken urteotako ibilbidea sendotzeko eta etorkizuneko erronkei erantzuteko». «Turismoak orekaturik lagun dezala Zarautz eta eskualdearen garapen ekonomiko eta sozialean, herritarren ongizatea, gure nortasuna eta gure ondare naturala eta kulturala zaintzeko», gaineratu du.
“"Teknikari espezializatu bat izateak are gehiago indartuko digu lankidetza Gipuzkoako Foru Aldundiarekin, eskualdeko eskaintza turistikoa koordinatuta garatuko dugu eta Urola Kosta urte osoan erakargarria izango den helmuga jasangarri, kalitatezko eta lehiakor gisa sendotzen jarraituko dugu. Kontratazio honek, gainera, lurralde osora onurak ekartzen dituen eredu turistiko baten aldeko gure konpromisoa berresten du"
