Jarduera hau urriaren 2tik 4ra ospatuko den Parrilla Festaren aurretik antolatutako ekintzetako bat da. Tailerraren helburua baxurako arraina prestatzeko hainbat errezeta ezagutaraztea eta bertako itsas ondarearen zein gastronomiaren arteko lotura nabarmendzea da.
Saioa doakoa bada ere, plazak mugatuak direnez, beharrezkoa da turismo-bulegoan aldez aurretik izena ematea.
Parrilla Festaren helburu nagusia Orioko ondare gastronomikoa ezagutaraztea eta belaunaldiz belaunaldi transmititzea da. Horrekin lotuta, Udalak hainbat saio antolatu ditu arrantzaren eta gastronomiaren inguruko ezagutza zabaltzeko.
‘Arrantza eta gastronomia’ jarduera-sortari amaiera emango dion tailer honen aurretik, irailaren 23an, ‘Kofradiaren eraikinak 100 urte’ hitzaldia egin zen, Jon Agirresaroberen eta Pedro Miguel Urangaren eskutik.
