Reala k Espainiako Kopa irabazi du Atletico Madril en aurka, Sevilla ko Cartuja estadioan jokatutako final zirraragarri batean. Arauzko denbora 2-2ko berdinketarekin amaitu zen, eta luzapenean golik sartu ez zenez, penaltien txandan erabaki zen titulua. Pellegrino Matarazzok zuzendutako taldeak garaipena lortu zuen, eta horrek festa handia eragin zuen zaleen artean.
Atezain azpeitiarrak funtsezko papera jokatu zuen penaltien txandan, bi jaurtiketa geldituz eta finaleko jokalari onenaren saria jasoz. Haren izena oihukatu zuten zale txuri-urdinek Cartuja n, baita Azpeitia ko Sanagustin kulturgunean elkartutako ehunka herritarrek ere, partida amaitu bezain laster.
Azpeitia k gogotsu jarraitu zuen finala. Sanagustin kulturgunea jendez gainezka egon zen, eta tentsio une luzeen ondoren, jai giroan amaitu zen arratsaldea. Herriko hainbat elkarte eta txokotan ere jarraitu zuten partida, eta suziriak jaurti zituzten garaipena ospatzeko.
“"Azpeitiarra naiz ni, Loiolakoa. Asko maite dut nire herria, nire lagunak, nire familia; Azpeitiak dena eman dit. Besarkada handi bat Azpeitiko herriari."
Garaipen hau ez da soilik atezain azpeitiarrarena, baita Oier Agirrezabalaga prestatzaile azpeitiarrarena ere. Gizonen lehen taldeko prestatzaile fisikoa Cartuja n zegoen, eta haren lanaren emaitza ere bada etxera dakarten kopa. Agirrezabalagak hamazazpi urte daramatza Zubieta n lanean, harrobiko hainbat taldetan, eta urtarriletik da lehen taldearen prestatzaile fisikoa.
Reala ren gizonezkoen taldeak historian irabazi duen laugarren Espainiako Kopa da hau. Aurretik, 1909 an, 1987 an eta 2021 ean lortu zituen beste hiru tituluak.
