Emakumezkoen taldeak bereziki nabarmendu da, modalitate honetan Espainiako Txapelketan lehen aldiz parte hartu eta berehala nagusitu baita. Atzoko sailkatze proba erraz gainditu ondoren, gaurko finalean Pasai Donibane, Tiran eta Astillero taldeen aurka lehiatu dira. Gipuzkoarrak izan dira aurkari zuzenenak, baina Oriokoek ia 5 segundoko aldearekin irabazi dute, 15:45,67 denborarekin. Astillero hirugarren izan da ia 23 segundora, eta Tiran laugarren, 39 segundo galduz.

Gizonezkoen txapelketan ere antzeko nagusitasuna erakutsi du Oriok. Taldeak 13:47,49ko denborarekin irabazi du estropada, bigarren sailkatu den Zierbenari 5 segundo ateraz. Chapela hirugarren postuan heldu da 27 segundora, eta Castreña laugarren, 35 segundo galduz.