Nadia Erostarbe k maila bikaina erakutsi du 2026 Women's Championship Tourreko hirugarren txapelketan, Australian ospatu den Bonsoy Gold Coast Pro lehiaketan. Hirugarren postuan amaitu du, finalerdietan gero txapeldun izango zen Stephanie Gilmore australiarraren aurka estu lehiatu ondoren.
Aurrerapauso nabarmena izan da hau Erostarbe rentzat, aurreko denboraldian goi mailako txapelketetan lehiatzeko izan zuen esperientzia baliagarria izan baitzaio. Orain, Championship Tourreko txartelarekin, munduko surf txapelketa nagusian parte hartzen du eskubide osoz, eta bi lehen saioetan maila ona eman ondoren, oraingoan goi mailako surfa erakutsi eta Top10ean sartzea lortu du, zazpi postu gora eginez.
Txapelketako lehen kanporaketan, Alyssa Spencer estatubatuarra menderatu zuen Erostarbe k, 15.16 puntu lortuz bere bi olatu hoberenekin. Bigarren kanporaketan, beste estatubatuar baten aurka, Caroline Marks en aurka, 14.67 puntu lortu zituen, txandako buru jarriz. Final laurdenetan, Gabriela Bryan hawaiiarra kanporatu zuen 15.67 punturekin, denboraldiko lehen txapelketan Bells Beach en garaile izandako surflaria.
Finalerdietan, surfeko mitoa den Stephanie Gilmore australiarra izan zuen aurkari, zortzi aldiz munduko txapeldun izandakoa. Erostarbe k ez zuen kikildu, eta 8.50 puntuko olatu batekin aurrea hartu zion. Azkenean, Gilmore k 15 puntura igo zuen apustua eta Erostarbe k ez zuen behar zuen olatua lortu finalera pasatzeko. Hala ere, emaitza honekin Nadia Erostarbe munduko Top10ean dago orain, bederatzigarren postuan.
